Sang Prabu Sane Ngrahayuang 1

Titiang makasami ngaturang bakti lan penyuksma ring Sang Hyang Tunggal, krana welas asih Idane sane sampun kicen kapining titiang makasami. Krana pitulungan Ida, titiang makasami prasida muputang nyalin lan nyetak bukune puniki. 2 Titiang makasami nunas ica mangdane bukune puniki prasida nguehin pengajah-ajahan ring anake makasami sane ngwacen bukune puniki mangda prasida ngagungang Sang Hyang Tunggal.

Indik Pidaging

3 Cerita-cerita ring bukune puniki kaambil saking Cakepan Suci. Cerita-cerita puniki madaging kapatutan saking Sang Hyang Tunggal sane ngrahayuang manusane. Cerita-cerita sane kapilih nyeritayang wit dosa sane ngranayang kasengsaran tur paindikan nyejehin sane wenten ring jagate. 4 Nanging cerita-ceritane puniki pada nyeritayang kapining iraga indik tresna lan kuasa Sang Hyang Tunggal. Kenten pada ceritane puniki ngajahin iraga mangda prasida ngamolihang sutrepti malantaran Sang Prabu sane ngrahayuang manusane.

Cakepan Puniki Kasalin Saking sane Asli

5 Cerita-cerita puniki mawit saking Cakepan-cakepan Suci sane kasurat penyiuan tiban sane sampun lintang. Cakepan-cakepan Suci punika witnyane kasurat nganggen basa Ibrani lan basa Yunani. Sekancan ceritane kasalin ka basa Bali tur katureksain mangda artine manut sekadi basa asline. 6 Kenten pada wenten cerita-cerita kasalin bawakan kapining sane asli, nanging untengnyane manut sekadi asli mangda elah karesepang. Yening wenten saking basa asline sane abot kaartiang, jagi kaimbuhin lengkara bawak mangdane nenten wenten paindikan sane iwang kaartiang (contone indik pesengan, antuk linggih, genah, budaya, arti sane silib, lan sane lianan). Cerita puniki manut arti sane asline lan prasida kapracayain tur katerima dados kapatutan saking Sang Hyang Tunggal.

7 Buku puniki nganggen basa Bali Madya mangdane prasida karesepang ring akeh wawidangan tur mangda prasida kaanggen ring sekancan media. Yening wenten anake sane nenten ngerti basane puniki ring wawidangan ragane, durusang ja nikain titiang. Sarat pisan manah titiange mangda orti sane luih indik karahayuan prasida kauningayang olih sekancan jadmane.

Paindikan Buku Puniki Kaanggen

8 Buku puniki mresidayang kawacen praragan. Nanging becik pada kaanggen ring seka alit sareng anak lianan sane meled ngresepang lan ninutin pengajahan Sang Hyang Tunggal utawi Sang Hyang Yesuse. Tatujon ring seka alit puniki, inggih punika:

1. Saling piteketin lan saling tunas icayang.

2. Seken malajahin pengajahan Sang Hyang Yesuse alon-alon mangdane prasida karesepang.

3. Nyalanang pengajahane puniki ring urip iragane sadina-dina.

9 Yening kaanggen ring sekaa alit, dados nganggen panuntun sane ring sor puniki:

Malekat Kaciptayang

11 Wenten cerita sujati saking , indik nyiptayang malekat.

12 Pengawitnyane wantah Sang Hyang Tunggal kamanten. Sang Hyang Tunggal punika Welas Asih, Suci lan Maha Kuasa. Ida sane nyiptayang jagate puniki.

13 Sang Hyang Tunggal nyiptayang malekat-malekat sadereng nyiptayang jagat lan dagingnyane. Malekat-malekat sane kaciptayang olih Sang Hyang Tunggal punika nenten tios roh sane luih pisan, malianan kapining atma. Geginan malekat-malekate inggih punika nyembah Sang Hyang Tunggal lan ninutin sekancan pikayunan Idane. Malekat-malekat sane kaciptayang Ida kalintang akeh, kantos nenten sida antuk metek. Lan sami malekat-malekate punika becik pisan.

14 Nah kacerita mangkin, saking malekat sane akeh punika, wenten asiki sane nungkasin Sang Hyang Tunggal. Malekate punika ngalain tegak luih ring . Ia ngajak malekat-malekat sane lianan mangda nungkasin Sang Hyang Tunggal. Malekat sane nungkasin Sang Hyang Tunggal sane kapertama punika kasambat ‘’. Lan para pengiringnyane kasambat ‘buta kala’.

15 Saking paindikane punika kantos kayang mangkin, ratun para setan lan para pengiringnyane dados musuh Sang Hyang Tunggal. Kenten pada, ratun para setan sareng para pengiringnyane setata mobabin imanusa lan ngutsahayang nyengkalen manusa mangda manusane nenten nyembah Sang Hyang Tunggal. Krana paindikane punika Sang Hyang Tunggal jagi ngukum ratun para setan sareng para pengiringnyane ring salamin-laminne.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”